Skip to content
राम हीं अक्षरें सुलभ – संत चोखामेळा अभंग – २४६
राम हीं अक्षरें सुलभ सोपींरे ।
जपतां निर्धारीं पुरे कोड ॥१॥
मागें बहुतांसी उद्धरिलें देखा ।
ऐसें बळ आणिकां नाहीं अंगीं ॥२॥
नामामृत पाठ घेईं कां घुटका ।
होईल सुटका संसाराची ॥३॥
नाम हेंचि सार नाम हेंचि सार ।
भवसिंधु उतार दो अक्षरीं ॥४॥
चोखा म्हणे नाम सुलभ सोपेरें ।
जपावें निर्धारें एका भावें ॥५॥
राम कृष्ण हरी आपणास या अभंगाचा अर्थ माहित असेल तर खालील कंमेंट बॉक्स मध्ये कळवा.
राम हीं अक्षरें सुलभ – संत चोखामेळा अभंग – २४६
