पैल यमुने पाबली – संत माणकोजी बोधले अभंग
पैल यमुने पाबली । कृष्ण खेळे चेंडू फळी ।
खेळ खेळोनी वनमाळी । कवणा नातुडे ॥१॥
हा तव नाटक निराळा । कवणा न कळे याची लिळा ।
हा तव जाईन गोकुळा । कंसास करि रीस ॥ २॥
जाऊनी गोकुळा भितरी भुलवितो नरनारी ।
खुणा दावी नाना परी या गोपिकालागी ॥३॥
हा तव असोनि घरोघरी । बाळ लीला क्रीडा करी ।
दहीदूध करुनी चोरी। नवनीत भक्षीतसे ॥४॥
बोधला म्हणे कवतुक केले नव्हेत सुख दाविले ।
माझे मन तल्लिन जाले। कृष्णापायी पहावो ॥५॥
राम कृष्ण हरी आपणास या अभंगाचा अर्थ माहित असेल तर खालील कंमेंट बॉक्स मध्ये कळवा.