Skip to content
उदंड नागवले वाहावले – संत चोखामेळा अभंग – १४६
उदंड नागवले वाहावले पुरीं ।
ऐसी याची थोरी काय सांगों ॥१॥
ब्रम्हादिक जेणें बहु नागविले ।
सिद्ध ऋषि भुलविले येणें देख ॥२॥
इंद्रादि चंद्रा लावियेले काळें ।
कामाचिया बळें अहिल्येसी ॥३॥
प्रत्यक्ष शूळपाणि तपियां मुगुटमणी ।
तो हिंडविला वनीं भिल्लणीमागें ॥४॥
वृंदेचे घरीं विष्णु धरणें करी ।
अभिलाष करी मनें धरिला ॥५॥
चोखा म्हणे येणें बहु नाडियेले ।
काय आतां बोल जाय पुढें ॥६॥
राम कृष्ण हरी आपणास या अभंगाचा अर्थ माहित असेल तर खालील कंमेंट बॉक्स मध्ये कळवा.
उदंड नागवले वाहावले – संत चोखामेळा अभंग – १४६
