अवघियांचे असोनि देहीं । अंतर्बाहीं न दिसेचि ॥१॥
जेवीं साखरमाजीं गोडी । न दिसे उघडी असतांही ॥२॥
वादय दिसती न दिसे नाद । जेविं कां स्वाद भोजनीं ॥३॥
निळा म्हणे तैसा आत्मा । न दिसेचि भूतग्रामा कवळुनी ॥४॥
ज्ञानें अवघेंचि जाणें । परि एक नेणे आत्मज्ञाल ॥१॥
बोल तितुके बोलचि वरी । परि न चढे पायरी प्राप्तीची ॥२॥
आपुलेंचि हित आपण नेणे । वरी आणिकां शाहाणें करुं धांवे ॥३॥
निळा म्हणे ठाकुनी लोकां । आपणहि नर्का जात सवें ॥४॥
राम कृष्ण हरी आपणास या अभंगाचा अर्थ माहित असेल तर खालील कंमेंट बॉक्स मध्ये कळवा.