तेणें सुखें माझें निवविलें – संत तुकाराम अभंग – 224
तेणें सुखें माझें निवविलें अंग ।
विठ्ठल हें जग देखियेलें ॥१॥
कवतुकें करुणा भाकीतसें लाडें ।
आवडी बोबडें बोलोनियां ॥ध्रु.॥
मज नाहीं दशा अंतरीं दुःखाची ।
भावना भेदाची सर्व गेली ॥२॥
तुका म्हणे सुख झालें माझ्या जीवा ।
रंगलो केशवा तुझ्या रंगे ॥३॥
अर्थ
विठ्ठल रुपी जग पहिल्या नंतर व मी हि विठ्ठल रूप झाल्या नंतर मला अतिशय सुख झाले.मी या विठ्ठलाचे लाडाने आणि बोबड्या शब्दाने कवतुकाने करूणा करतो.आहो माझ्या अंतरंगात दुख:च राहिले नाही कारण माझी भावना समूळ गेली आहे.तुकाराम महाराज म्हणतात हे केशवा माझ्या जीवाला अपार सुख झाले आहे कारण हरीच्या रंगात मी रंगलो आहे.
अभंग विडिओ स्वरूपात पहा .
तेणें सुखें माझें निवविलें – संत तुकाराम अभंग
संत ज्ञानेश्वर अँप डाउनलोड करा.
