Skip to content
गणिका अजामेळे काय – संत चोखामेळा अभंग – २४१
गणिका अजामेळे काय साधन केलें ।
नामचि उच्चारिलें स्वभावता ॥१॥
नवले हें पाहा नवल हें पाहा ।
अनुभवें अनुभवा देहामाजी ॥२॥
उच्चारितां नाम वैकुंठींचें घेणें ।
ऐसें दुजें पेणें आहे कोठें ॥३॥
ब्रह्महत्या जयासी घडल्या अपार ।
वाल्हा तो साचार उद्धरिला ॥४॥
उफराटें नाम न येचि मुखासी ।
मारा मारा ध्यासीं स्मरतां झाला ॥५॥
चोखा म्हणे ऐसा नामाचा महिमा ।
उद्धारा अधमा स्त्री शुद्रा ॥६॥
राम कृष्ण हरी आपणास या अभंगाचा अर्थ माहित असेल तर खालील कंमेंट बॉक्स मध्ये कळवा.
गणिका अजामेळे काय – संत चोखामेळा अभंग – २४१
